Published On: Wed, Jun 12th, 2019

Baardheere: Wasiirka Waxbarashada oo dhagax dhigay Machadka Tabbabarka Macalimiinta Soomaaliyeed “SAWIRRO”



Wasiirka Waxbarashada Hiddaha iyo Tacliinta sare ee Xukuumadda Federaalka Soomaaliya mudane Cabdullaahi Goodax Barre ayaa maanta si rasmi ah ugu dhagax dhigay degmada Baardheere ee Gobalka Gedo machadka tabbabarka macallimiinta Soomaaliyeed.

Wasiirka Waxbarashada Soomaaliya ayaa safarkiisa uu ku tegay Degmada Baardheere  waxaa ku wehliyay Wasiiru dowlaha Wasaaradda Waxbarashada Cabdiraxmaan Maxamuud Cabdulle [Jaabir] Agaasimaha guud ee Wasaaradda Waxbarashada iyo mas’uuliyiin kale.

Dhagax dhiga machadka laga hirgalinayo Degmada Baardheere ee Gobalka Gedo ayaa waxaa ka soo qeyb galay wafdi ka socda Wasaaradaha waxbarashada Jubbaland iyo Koonfur galbeed.

Wasiirka Waxbarashada Jubalaand ayaa soo dhaweyay machadka tabbabarka ee laga dhisayo degmada Baardheere ee Gobalka Gedo waxa uuna sheegay in ay tahay talaabo horay looqaaday, waxa uuna ka codsaday Wasiirka Waxbarashada Xukuumadda Soomaaliya in Wasaaraddu ka caawiso dhismaha iskuullada.

Wasiiru doowlaha Wasaaradda Waxbarashada Mudane Cabdiraxmaan Maxamuud Cabdulle Jaabir ayaa waxa sheegay in horumarka Waxbarashada ay tahay talabaada koobaad ee qofkasta oo Soomaali ah looga baahan yahay isla markaan machadkaani la hirgelinayo Degmada Baardheere uu yahay mid ay ka soo bixi doonan macallimiin tayo leh.

Wasiirka Waxbarashada Xukuumadda Soomaaliya mudane Cabdullaahi Goodax Barre oo ka hadlay dhagax dhiga machadka tabbabarka macallimiinta Soomaaliyeed ayaa sheegay in bahda Waxbarashada muhiimad gaar ah uu u leeyahay machadkaan.

“Waxaan maanta aniga wafdigii ila socdayba aan u nimid Degmada Baardheere ee Gobalka Gedo, anagoo isigu jirno Wasaaradii Waxbarashada Hiddaha iyo Tacliinta sare ee Soomaaliya  iyo Deeq bixiyaasha qaarkood muhiimada koobaad ayaa aheyd in aan u kuur galno arrimaha Waxbarashada iyo bahda Waxbarashada reer Baardheere waxaan si gaar ah ugu nimid in aan dhagax dhigno machad soo saari doono macallimiinta dugsiga Hoose Dhexe ee labada maamul Gobaleed  ee Jubalaand iyo koonfur Galbeed ,Wasaaradda Waxbarashada Jubbalaand oo ugu horeyo Wasiirka Waxbarashada Jubbalaand, isla markaana nagu marti geliyay maanta Degmada Baardheere ee Gobalka Gedo, waxaana ku heshiinay oo aan rabaa in ay ogadaan bushada reer Baardheere in dugsi ku yaalo degmada Baardheere ay dowladdii hore u laheyd oo dayacan, isla markaan bur bur xoogana ka muuqdo in aan dayac tirno hadii aan nahay Wasaaraddii Waxbarashada ee heer Federaal, Wasaaradda Waxbarashada Jubbalaand iyo Guddoomiyaha Gobalka Gedo iyo Guddoomiyahii degmada Baaardheere, iyagana waxa ay balan qaadeen  in ay keenaan macallimiin aqoon sare leh oo aan aheyn kuwo maalina yimaado, maalina gooya oo aan carruurta Soomaaliyeed aan seejin  go’aankaas ayaan kala saxiinay hadii aan nahay Wasaaraddii Waxbarashada ee heer Federaal iyo Wasaaraddii waxbarashada Jubbaland, Baardheere ahmiyad weyn ayuu leeyahay waxa uu ka mid yahay ilaha aqoonta Wadanka Soomaaliyeed.

Wasiirka Waxbarshada Xukuumadda Soomaaliya ayaa  kormeer ku tagay dugsiyada ku yaala degmada Baardheere ee Gobalka Gedo waxana ku soo dhaweyay ardayda dugsiyada Degmada Baardheere .

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>